GAZETARA KOMUNIKO de 1993.12.02

La Prezidanto de la "Komisiono pri kulturo, junularo, klerigado kaj informiloj" de la Eûropa Parlamento, Hon. La Pergola, laû sugesto de Hon. Taradash, disdonis al la parlamentanoj membroj de la Komisiono studon pri la Lingvo Internacia ellaboritan de "Esperanto" Radikala Asocio. La okazinta disdono de la studo, menciita en la protokolo de la kunsido, povos konsistigi oportunan politikan rilatpunkton kaj por la eûroparlamentanoj de la venonta parlamenta periodo kaj por la novaj poresperantaj leghofaraj iniciatoj en EK-kadro.

"Je la momento konkludighas tiel - deklaris Giorgio Pagano, Sekretario de la radikala asocio - la chapitro malfermita per la rezolucipropono de la 14a de aûgusto 1992, sugestita de nia asocio, kaj subskribita de la parlamentanoj Vertemati, van den Brink, Schwartzenberg, Newens, Gallenzi, Lagakos, F.Pisoni, Gawronski, Bettini, Taradash, Staes, Speroni, Vandemeulebroucke, Borloo, Kostopoulos, Pannella. Nun oni devas per pli granda decidemo starigi politikan batalon por enkonduko de Esperanto en la eûropajn lernejojn".