***************************************************TITOLPA^GE
----------
Kulturoj ^san^gi^gas, ^cu ni rimarkas?
======================================
La forvoja^ginta usona ambasadoro en Finnlando diris dum televida
intervjuo, ke li admiris tion, ke li neniam a~udis reagojn kontra~u la
enpenetrado de usona kulturo en Finnlando. Li vidis la situacion tre
pozitiva - kompreneble. La~u liaj vortoj neniu kontra~ustaris ekz. la
trinka^jon Koka-kolao a~u hamburgerojn kiel imperiismaj a^joj! Kiel
esperantisto oni devas miri, ^cu la ambasodoro vere nenie rimarkis reagojn
a~u ^cu li nur ne volis konfesi tion? Almena~u mi a~udis reagojn ekz.
kontra~u la angligo de la nomoj de firmaoj kaj vendejoj en Finnlando, e^c
el la bu^so de britoj kaj usonanoj mem.
La~u mia opinio oni devas esti blinda por ne vidi la minacon al la
neanglosaksaj kulturoj, kiun prezentas la tute anglalingva junulara kulturo
ofertata pere de diversaj amaskomunikiloj ktp. Estas facile vidi, ke oni
tute sciante vastigas tian kulturon ^guste pere de junularo, ^car ^gi estas
la plej adaptema a^ggrupo. Kaj nun, kiam ne plu ekzistas grava konkuranto
por usona kulturo, la situacio ^sajnas e^c pli dan^gera. Anka~u en
Finnlando ni devus esti aparte maltrankvilaj, ^car finnoj ^generale havas
malfortan memkonscion kaj emas akcepti ^cion, kio venas de iu "pli
civilizita" lando.
Mi ne asertas, ke la usona kulturo en si mem enhavus trajtojn, kiujn oni ne
akceptu. Nek mi asertas, ke finnaj kutimoj kaj nia kulturo estas LA ^gusta.
Tamen mi asertas, ke estas nejuste klopodi anstata~uigi ekz. ^generalajn
festokutimojn, esprimojn, man^ga^jojn kaj vestadkutimojn, ^car tiusence
neniu kulturo estas pli bona kaj akceptinda (a~u akceptenda) ol la aliaj.
Ni esperantistoj devus miaopinie vastigi kontaktojn kun aliaj homoj kaj
organizoj, kiuj laboras por la varieco de la monda kulturo kaj la
konservi^gon de la finna kulturo en la nuntempa mondo. En tiu senco ni ne
rajtas esti nepartiaj. Por ni ja estas memklare, ke ^ciuj kulturoj estas
valoraj kaj ke ^ciuj homoj havas la rajton transdoni sian kulturan
hereda^jon kaj siajn kutimojn kaj ritojn al venontaj generacioj. Por ni
estas maljuste, ke iu ajn popolo subpremas alian politike, religie, rase
a~u kulture. Same por ni devus esti memklare akcepti la diversecon de
homoj, kiuj vivas ^cirka~u ni.
Esperantismo signifas strebadon al varie, egaleca kaj harmonia mondo.
Jukka Laaksonen
el Vekilo 97-4.
**************************************************************************
Esperanto en la telefonlibro!
=============================
Esperanto ekzistas por ke oni uzu ^gin en la praktiko!
^Guste tion ekzemplas la ^jusaperinta nova telefonlibro en Budapest,
Hungario, kie sur la p. 15. inter la fremdlingvaj ^generalaj informoj
aperas anka~u la tutkolumna Esperantlingva teksto (krom la angla, germana,
franca, itala kaj rusa).
La apero de E-lingvaj informoj estas grava ne nur pro la fakta utilo, sed
anka~u pro ^gia modela valoro. (Kie oni uzas vian Esperanton? - Ekzemple en
fervojaj horaroj en 9 landoj, kaj ekz. en la budape^sta telefonlibro...)
Surbaze de tio ni povas peti la aperigon de E-lingvaj materialoj anka~u en
aliaj eldona^joj, kaj alilandanoj povas mencii ^gin kiel jam ekzistantan
fakton kiam ili petas la uzon de E-o ^ce siaj telefonkompanioj.
Por esprimi la internacian atenton al la uzo de la Internacia Lingvo estus
utile sendi dankesprimon al la eldonejo:
Magyar Telefonkonyvkiado Kft, Merkatika Direktoro,
Baross u. 89, HU-2040 Budaors, Hungario.
**************************************************************************
FAKA APLIKADO
-------------
Restrukturi^go en ISAE
======================
Internacia Scienca Asocio Esperantlingva, ISAE okazigis sian jarkunvenon
dum la UK en Montpellier. La financa raporto montris, ke la unuan fojon
post multaj jaroj havas sen^suldan staton - e^c ioman pozitivan bilancon.
La redukti^go de la membronombro postulas la adapton de la statuto al la
realo. Ekz. estas planata redifini la taskojn kaj funkcion de la estraro,
komitato kaj la planata novfondota Konsilio (kies membroj ekz. ne havus la
taskon de kotizkolektado).
**************************************************************************
UMEA: 90-jara
=============
Dum la UK en Montpeliero UMEA festis sian 90-jaran fondi^gdatrevenon en
kadro de jarkunveno, kie aperis 62 gekolegoj el 21 landoj.
En la jaro 1908 en Dresden fondi^gis oficiale la Tutmonda Esperantista
Kuracista Asocio, TEKA. Mejlo^stonon signifis la jaro 1960, kiam dum la UK
la ^ceestantaj medicinistoj decidis prilabori novan statuton kaj ^san^gis
la asocian nomon al Universala Medicina Esperanto-Asocio, UMEA. La asocio
kunigas kuracistojn, dentkuracistojn, farmaciistojn, veterinarojn,
flegistojn. Landaj delegitoj funkcias en 30 landoj. La oficiala organo
estas La Medicina Internacia Revuo, MIR.
Ekde la jaro 1977 UMEA okazigas en ^ciu dua jaro internaciajn medicinistajn
E-konferencojn "IMEK", ekde 1977 oni nomas ^gin kongreso. La unua okazis en
Krakovo, Polio, venontjare ^gi okazos anta~u la UK en Opava, ^Cehio.
En Krakovo funkcias UMEA-SHINODA KURACEJO sub gvido de D-ro Vladimiro
Opoka. Oni uzas ^ci tie la mondfaman orientan Yumeiho-terapion. Pri la
metodo jam aperis videokasedo kaj faka libro verkita de D-ro Saionji
Masayouki (Japanio) en pluraj lingvoj krom Esperanto. Jam en la lastaj
jaroj aperis kelkaj medicinaj fakterminaroj, sekvajare aperos la angla-
Esperanta medicina terminaro verkita de Prof. D-ro Saburo Yamazoe
(Japanio). Cetere li estas la estrarano de UMEA kaj dum la ^ci-jara UK la
Komitato de UEA distingis lin honora membro de UEA.
UMEA kunlaboras kun aliaj fakaj E-organiza^joj kaj jam estas ligita la unua
kontrakto kun IFEF por inter^san^gi eldona^jojn, komune organizi
lingvokursojn, reciproke partopreni kongresojn, konferencojn.
Imre Ferenczy
prez. de UMEA
**************************************************************************
Libroteno en e~uroj
===================
La ^generalan jarkunvenon de IKEF (Internacia Komerca kaj Ekonomia
Fakgrupo) dum la UK en Montpellier partoprenis 48 personoj, inter ili 22
membroj. La membroj aprobis la jarraporton kaj la financan raporton pri
1997.
Estis reelektita Franz Josef Braun kiel prezidanto kaj d-ro Rainer Kurz
(amba~u el Germanio) kaj s-ro Wang Tianyi (^Cinio) kiel novaj estraranoj.
La membroj post diskuto aprobis la projekton de laborplano 1998 ^gis 2000
kiu aperis en La Merkato 61 (vidu Eventoj 2-jun) kaj la proponon por ekde
1999 libroteni en e~uroj.
**************************************************************************
^Cu vi jam ali^gis al la
seminario pri sciencteknika aplikado de Esperanto?
**************************************************************************
Psikokibernetiko
================
^Cu iu scias, ^cu en Esperanto jam io estas havebla pri psikokibernetiko?
Psikokibernetiko estus metodo por plibonigi sin (kaj aliajn) mense,
ellaborita fare de kuracisto en estetika kirurgio Maxwell Maltz. En la
franca ekzistas libro "Psycho-Cybernetique" de Maxwel Maltz ^ce eldonejo
Godefroy kaj eldonejo Editions Dangles (bro^surforme).
Herman Deceuninck
Kluisstraat 22, BE-1500 Halle, Belgio
herman.deceuninck@vlaanderen.be
**************************************************************************
INTERRETO
---------
Ma^sina traduko
===============
^Ce la URL http:--babelfish.altavista.digital.com-cgi-bin-translate oni
trovas la ege interesan programon Babelfish por traduki a~utomate en la
reto. Inter la lingvo-paroj estas angla-franca, angla-itala, angla-
germana... kaj reen el tiuj kaj pliaj lingvoj al la angla.
Dum foje la traduko ^sajnas esti ege bona, alifoje ^gi pli forte ridigas ol
admirigas.
Ziko M. Sikosek
a2983826@smail.Uni-Koeln.de
Rim: Aaron Irvine en "ret-info" informas, ke plena listo de senpagaj
ciberaj tradukiloj trovi^gas ^ce:
http:--rivendel.com-~ric-resources-dictad-2.html#freetrans
**************************************************************************
Kio okazas en Esperantio?
RET-INFO: retpo^sta nova^jservo pri E-aferoj!
Detalojn petu ^ce ret-info@esperanto.org
**************************************************************************
Dissendolisto pri Linukso
=========================
Oni ^jus kreis novan Esperantan dissendoliston por diskuti:
- la Esp-igon de linuksaj dokumentoj;
- la uzadon de Esperanto kun Linukso;
- en Esp-o, pri iuj aliaj linuksaj demandoj.
Linukso (LINUX) estas libera unikso-kongrua mastruma sistemo por diversaj
komputiloj inkluzive IBM-kongruajn PC-ojn. "Libera" signifas, ke iu ajn
rajtas kopii, ^san^gi kaj uzi la sistemon, sen peti permeson a~u pagi
monon. Tio estas ver^sajne la plej grava diferenco inter Linukso kaj
ekzemple Vindozo, kvankam Linukso havas anka~u aliajn avanta^gojn: ^gi
estas pli stabila kaj pli efika.
Linukso estas nur la "kerno" de kompleta, uzebla komputila sistemo.
Diversaj organiza^joj, komercaj kaj ne komercaj, proponas tiel nomatajn
"distribuojn", kiuj enhavas ^ciujn bezonatajn programojn kaj - tre grave -
instrukciojn por instali kaj funkciigi ilin. Debian estas unu el tiuj
organiza^joj, kaj ^gi eble estas tiu, kiu plej ali^gas al la "libera"
ideologio de Linukso kaj GNU.
Por aboni la novan dissendoliston sendu mesa^gon al "debian-esperanto-
request@lists.debian.org" kun la temlinio "subscribe".
Edmund GRIMLEY EVANS
edmund@esperanto.org
**************************************************************************
ARAN^GOJ
--------
TEJO-seminario en Budape^sto
============================
Inter la 11-a kaj la 18-a de oktobro Tutmonda Esperantista Junulara
Organizo, TEJO okazigos sian sekvan seminarion kun la titolo 'Lingvaj
rajtoj - lingvopolitiko'.
Seminarianoj en la TEJO-a^go (sub 30 jaroj) havos la eblecon diskuti kaj
sperti^gi kun la helpo de fakuloj pri la demandoj: kion signifas lingvo por
individuoj kaj grupoj, kiel aspektas lingvopolitikoj en diversaj ^statoj,
kiaj solvoj ekzistas por lingvaj konfliktoj. La ^cefa celo de la seminario
estas ellabori lingvopolitikan programon por TEJO.
La seminario okazos en la Budape^sta E~uropa Junulara Centro danke al la
financa subteno de la Konsilio de E~uropo. Partoprenkotizo estas nur 225
francaj frankoj kaj oni rericevas ^ciujn voja^gkostojn.
Pliajn informojn kaj ali^gilon petu ^ce:
Lariko Golden
Damjanich u. 1-c. I-8, HU-8200 Veszprem, Hungario
rete: golden@isis.elte.hu
**************************************************************************
KEF: 184 homoj!
===============
La sesa KEF, Kultura Esperanto-Festivalo allogis 184 partoprenantojn al
Lesjofors, Svedio. Unika en sia speco, ^car ^gi estas festivalo de
originala Esperanto-kulturo, KEF-98 povas fieri pri rekorda kvanto da
kulturinteresitoj, plejparte junaj.
La komencaj tagoj estis dedi^citaj al propra kreado en diversaj "uzinoj":
pri verkado, desegnado, kantado, dancado, ^jazo, ^jonglado k.a. Dum la
finaj tri tagoj la posttagmezoj kaj vesperoj estis uzataj por prezentoj,
plejparte muzikaj. Oni povis a~udi "KEF-veteranojn" kiel ^Jomart & Nata^sa
kaj Persone, kaj novajn KEF-artistojn kiel Ekvinokso, Massimo Manca kaj
Rolf Fantom. ^Ciun nokton funkciis krome diskoteko.
KEF-98 estis aran^gita de SEJU, Sveda Esperantista Junulara Unui^go.
Venonta KEF estas anta~uvidita por la jaro 2000.
Franko Luin, el NUN
**************************************************************************
Kompleta monata kalendaro
=========================
La kompleta jara listo de E-aran^goj da~ure aktualigata de ni, troveblas en
interreto http:--www.hungary.net-esperanto-. Korektoj, aldonoj estas
bonvenaj! Por ricevi txt-formatan version sendu mesa^gon (enhavo ne gravas)
al la a~utomato: kalendaro@esperanto.org
26-30.09. Seminario "Esperanto-2000" pri edukado, kulturo kaj turismo,
Bydgoszcz. Inf: Monda Turismo, str. M. Sklodowskiej-Curie 10, PL-85-094
Bydgoszcz, Polio. Tel: +48-52-415744 a~u +48-52-3460082. Rete:
turismo@bydg.pdi.net
26.09-04.10. 24-a Internacia Esperanto-Forumo de Turismo kaj Kulturo,
Bydgoszcz. Inf: Monda Turismo, str. M. Sklodowskiej-Curie 10, PL-85-094
Bydgoszcz, Polio. Tel: +48-52-415744 a~u +48-52-3460082. Rete:
turismo@bydg.pdi.net
01-04.10. Vina Seminario, Lechovice. Inf: Pavla Dvorakova, Ostravska 637,
CZ-19900 Praha 9, ^Cehio. Tel-falkso: +420-2-6282952.
02-04.10. 5-a Semajnfino de Esperanto Nederland, Mennonrode. Inf: Kees
Hoeijenbos, Narcisplantsoen 52, NL-2015 AK Harlem, Nederlando.
02-04.10. 11-a Kultura Festivalo, Usti nad Labem. Inf: Josef Kriz,
Druzstveni 411-11, CZ-40007 Usti nad Labem, ^Cehio.
02-04.10. A~utunaj rikoltoj, bieno Njegus, Hra^s^cina-Trgovi^s^ce, Kroatio.
Inf: Orbis Pictus, Vi^snja Brankovi^c, Via Leghissa 6, IT-34131 Trieste,
Italio. Tel-fakso: +39-40-767875. Rete: orbispictus@iol.it
02-04.10. Sa~urkra~uta kaj Ki^sa Semajnfino en Diebolsheim (sude de
Strasburgo). Inf: Magali Texier, Hafenstr. 39-301, DE-68159 Mannheim,
Germanio. Tel: +49-621-106862, fakso: +49-621-13739. Rete:
magali@rumms.uni-mannheim.de
02-04.10. Internacia Junulara Esperanta Renkonti^go, IJER-98. Inf: LEJL,
a-d. 193, LT-3000 Kaunas, Litovio. Tel-fakso: +370-7-231461. Rete:
ramunasn@takas.lt
03.10. Internacia Ago-Tago
03.10. Ago-Tago en Kampo Grende. Inf: Esperanta Kunfrati^go de Okcidenta
Regiono, Rua Colonel Agostinho 126, Campo Grande, BR-23050-360 Rio de
Janeiro RJ, Brazilio.
03-04.10. 85-a Japana Esperanto-Kongreso, Kanazawa. Inf: Japana Esperanto-
Instituto, Waseda-mati 12-3, Sinzyuku-ku, Tokyo-to 162, Japanio. Tel:
+81-3-32034581, fakso: +81-3-32034582. Rete: jei@mre.biglobe.ne.jp
03-06.10. 6-a Internacia Esperanto-Semajno, Calafell (Tarragona). Inf:
Hispana Fervojista Esperanto-Asocio, Apdo 15027, ES-08080 Barcelona,
Hispanio. Tel: +34-3-7275021.
03-10.10. 6-a Internacia Esperanto-Semajno de la Kulturo kaj Turismo,
Tarragona. Inf: Hispana Fervojista E-Asocio, Ap. 15027, ES-08080 Barcelona,
Hispanio. Tel: +34-93-7275021. Rete: jserrano@oc6.es
04-10.10. Hungaria Esperantista Semajno, regiono Balaton, Szekszard kaj
Villany. Inf: Voja^goficejo Espertur, Tatra u. 4, HU-1136 Budapest,
Hungario. Tel: +36-1-2680306, fakso: +36-1-2680331. Rete:
esperantohea@mail.c3.hu08-11.10. Ekskurso en Norda Hungario, departamento
Zemplen. Inf: Voja^goficejo Movilo, Soroksari ut 117-D, HU-1095 Budapest,
Hungario. Tel: +36-1-1782793.
08-11.10. Metodika Seminario, vilao Amfora Rijeka, Kroatio. Inf: Orbis
Pictus, Vi^snja Brankovi^c, Via Leghissa 6, IT-34131 Trieste, Italio.
Tel-fakso: +39-40-767875. Rete: orbispictus@iol.it
09-11.10. Kavalira Konkurso, Gemenc. Inf: Kalman Romcsek, Olto u. 10. II.
9, HU-1108 Budapest, Hungario.
09-11.10. 30-a Korea Kongreso de Esperanto, Taejon. Inf: Korea Esperanto-
Asocio, Kang Byeon Han Shin Core B-D, No 601 Mapo-Dong 350, Mapo-ku,
Soeul, Korea Respubliko. Tel: +82-2-7176974, fakso: +82-2-7176975. Rete:
keast@soback.kornet.nm.kr
09-12.10. 52-a Argentina Kongreso de Esperanto, Saezpenja. Inf: Loka
Kongres Komitato, Calles 119 y 122, AR-3700 Pcia. R. Saenz Pena, Chaco,
Argentino.
10.10. 11-a "Kiso de la Fi^so" en Villingen. Inf: Josef Schiffer,
Wilstorfstr. 58, DE-78050 VS-Villingen, Germanio. Tel: +49-7721-58991
10-11.10. 3-a Zmijiva Esperanto Renkonti^go (ZER-o), Zmijiv. Inf: Alina
Shidahova, ul. Kalinina 11, UA-313720 Zmijiv, Ukrainio. Tel: +7-5747-37499.
10-12.10. 5-a Internacia Semajnfino Esperantista en Ludlow, Vermont, Usono.
Inf: Esperanto-Societo Kebekia, 6358-A, rue de Bordeaux, Montreal, QC,
Kanado. Respondilo-Fakso: +1-521-2720151. Rete: esperanto@sympatico.ca
11-18.10. Lingvaj rajtoj... TEJO-seminario en Budape^sto. Inf: Lariko
Golden, Damjanich u. 1-c. I. 8., HU-8200 Veszprem, Hungario. Tel:
+36-88-424339, fakso +36-1-2828885. Rete: golden@osiris.elte.hu
16-18.10. Seminario de la provinca asocio Baden-Virtemberga, Oberkirch.
Inf: Germana Esperanto-Asocio, Immentalstr. 3, DE-79104 Freiburg, Germanio.
Tel: +49-761-289299, fakso: +49-761-289296. Rete: gea@esperanto.de
16-18.10. PostSomera Kla^c-Kunveno, PSKK en Mol, Belgio. Inf: Joost
Witteveen, Ir. Driessenstraat 127, NL-2312 KZ Leiden. Tel: +31-71-5125405
(nur vespere-semajnfine), rete: joosteto@esperanto.nu
19-25.10. LINGVA Festivalo en ^Ceboksari. Inf: Junulara E-Asocio ^Cuva^sa
Respubliko en Rusio, Aleksandr Blinov, a-ja 189, RU-428000 ^Ceboksari,
Rusio. Rete: jeachr@usa.net
22-23.10. Pana anta~u-semajnfino, Balague, Okcitanio. Inf: Sylvie Roques, 8
rue Jean Soula, FR-31240 St. Jean, Francio. Rete: sylvie.roques@wanadoo.fr
23-25.10. Mun^jetada Semajnfino en Tuluzo (Okcitanio). Inf: Sylvie Roques,
8 rue Jean Soula, FR-31240 St. Jean, Francio. Rete:
sylvie.roques@wanadoo.fr
24.10. 110-jara fondi^gjubileo de Esperanto-Grupo, Nurnbergo. Inf: Anny
Hartwig, Pirckheimerstr. 11, DE-90408 Nurnberg, Germanio. Tel-fakso:
+49-911-359658.
24-25.10. E~uropa Unio: al kio ^gi evoluas? (kun fakulo pri EU), La Chaux-
de-Fonds. Inf: Kultura CentroEsperantista, PB. 311, CH-2301 La Chaux-de-
Fonds, Svisio. Tel-fakso: +41-32-9267407.
**************************************************************************
MOVADAJ AFEROJ
--------------
Subteno al E-bibliotekoj - denove!
==================================
En 1997 okazis la unua alju^go de subvencioj el la Biblioteka Apogo Roma
kaj Poul Thorsen, kies bazan kapitalon ges-roj Thorsen disponigis al UEA
por apogi la plivastigon de la libro-kolektoj de Esperanto-Bibliotekoj.
UEA nun akceptas subvencipetojn por la dua alju^go fine de tiu ^ci jaro.
La Biblioteka Apogo helpas Esperanto-bibliotekojn, kiuj ne estas financataj
el ^stata, urba a~u alia nemovada fonto. Privataj bibliotekoj povas esti
konsiderataj nur escepte, se tio estas pravigebla la~u ilia kvalito kaj se
ili estas ^generale alireblaj. La subvenciojn oni ricevos en formo de
libroj. Tial la subvencipeto devas esti akompanata de listo de dezirataj
libroj, ordigitaj la~u prefero.
En 1997 sume 3500 NLG estis dividitaj inter 11 el 21 petintaj bibliotekoj.
La subvencioj variis de 200 ^gis 600 NLG. Unuopaj subvencioj ver^sajne
estos de sama grandeco anka~u ^ci-jare, sed la tuta disponebla sumo estos
^c. 4250 NLG.
La subvencipetoj devas atingi la Centran Oficejon de UEA ^gis la 15-a de
oktobro 1998.
**************************************************************************
Esperanto-kafejo
================
La 31-an de a~ugusto malfermi^gis en Montrealo "Cafe' Esperanto" Esperanto-
Kafejo. La posedantino, s-ino Julie Martel, elektis tiun nomon por emfazi
sian emon oferti man^ga^jojn kaj trinka^jojn el diversaj partoj de la
mondo. Kvankam neesperantistino, nek membro de E-organiza^jo - ^si apogas
nian movadon; la nomo mem de la kafejo funkcias kiel reklamilo sur grava
strato de Montrealo.
Nun en ^gia starta fazo, la kafejo ofertas nur trinka^jojn. Post kelkaj
semajnoj, ^gi vendos anka~u sandvi^cojn (en granda sortimento), bulkojn kaj
kukojn, kio ebligos ricevi man^gon en ^gi - anka~u matenman^gon. La
montrealaj esperantistoj intencas regule kunveni en la kafejo.
Ni invitas vin gratuli al s-ino Martel, sendante al ^si po^stkarton kun
bildo de kafejo de via urbo a~u lando, al la jena adreso: Cafe Esperanto,
250, av. du Mont-Royal Est, Montreal QC H2T 1P5, Kanado
Sylvain Auclair
silvano@cam.org
**************************************************************************
Prilep - la urbo de Esperanto
=============================
Tuj post la 83-a UK mi, invitite de la E-societo "La progreso", vizitis la
urbon Prilep en Makedonio - la urbon de Esperanto. Tie mi ^ceestis la
ceremonion pri ^gemeli^go de la Changsha-a Esperanto-Asocio, ^Cinio, kaj la
E-societo "La progreso" de Prilep, poste estis akceptita de la tiea
urbestro kaj intervjuita de la urba televidstacio.
Aparte min surprizis la abundaj fruktoj de tiea E-movado. La E-biblioteko
de la societo posedas e^c kelkmilojn da valoraj E-libroj, kompletojn de E-
revuoj, pli ol dudek tre valorajn E-albumojn. ^Cio estas zorge ordigita kaj
klasifikita danke al la multjara penado de la prezidanto de la societo s-ro
Metodi Galeski. Krome, en la 20 ^srankoj konservi^gas multe da diversaj
esperanta^joj, e^c cigaredoj "Esperanto" ... ktp.
Kiam mi promenis en la centro de la urbo, mi vidis marmoran Zamenhof-buston
altan je pli ol du metroj anta~u la banko kaj montrofenestron pri Esperanto
anta~u la ^gardeno apud la strato. Kiam mi vizitis iun esperantiston, ^ce
lia privatdoma enirejo sur la muro vidi^gas la statuo de Zamenhof, super la
pordo de okulkliniko de granda hospitalo pendas ^sildo kun "L. Zamenhof",
sur la privata a~utomobilo de esperantisto algluita estas E-a emblemo, e^c
trovi^gas tomboskribo kun teksto en Esperanto.
La~udire anta~u kelkaj jaroj ekzistis la motelo "Esperanto", la
dol^ca^jejoj "Esperanto" kaj "Amikeco", la vendejoj "Libero" kaj "Verda
Stelo", la trinka^jo "Esperanto", la ^sildo "mon^san^gejo" ^ce popola
banko, en turisma agentejo kaj en hotelo, florvendejo "Esperanto" ... k.s.
Beda~urinde, ke pro iuj kialoj ili nun malaperis. La urbo Prilep estas ne
granda kun siaj nur ^c. 60.000 lo^gantoj, sed la ri^caj E-fruktoj estas ja
admirindaj.
JIANG Zu-yue
Rim: Kontaktadreso en Prilep: s-ro Metodi Galeski (sekr. de la loka E-
societo kaj prez. de la landa E-asocio): ul. Cane Ilieski 39-B, MK-97500
Prilep, Makedonio. Tel. +389-(0)98-27-188
**************************************************************************
Mallonge
========
La 18-an de julio, Campos Esperanto-Klubo disdonis al 19 personoj (^ciuj
virinoj) atestilojn pri partopreno en la unua parto de Esperanto-kurso por
spiritistoj. Spiritismo estas la religio kiu plej forte apogas Esperanton
en Brazilio.
2 regionaj televidkompanioj, 2 ^jurnaloj kaj la regiona radiostacio
raportis pri la memorfesto, okazigita de la Regiona Societo de Esploro de
Amura Regiono (Vladivostok, Rusio) dedi^cita al la 90-a datreveno de UEA
kaj la 60-a datreveno de TEJO. Partoprenis ^gin pli ol 40 gastoj.
Por helpi la bosnian E-movadon kataluniaj esperantistoj en Sabadell,
Katalunio lan^cis la gazeton "Bosnia Lilio". Organo de E-Ligo de Bosnio-
Hercegovino. - el Kulturaj Kajeroj 1-98
La 28-an de septembro la Esperanto-Klubo Munchen festos 30-jaran jubileon
kiel registrita asocio. Lige al tio la 27-29-an de novembro okazos festo en
kadro de la Bavara Ligo-Tago. Pliaj informoj ^ce Fritz Hilpert
"vitoria@metronet.de"
Lige al la novproduktita E-filmo "En Somera Vilao", la japana gazeto "The
Japan Times" aperigis ampleksan, pozitivan artikolon pri Esperanto kaj pri
la filmo mem.
**************************************************************************
Pri la komitatkunveno en la 54a IJK
Viglaj diskutoj en TEJO
=======================
Nova kasisto, nova sistemo por elekti estraranojn kaj komitatanojn B kaj
nova landa sekcio estas la ^cefaj rezultoj de la komitatkunvenoj de TEJO
kadre de ^gia 54a IJK, en Rijeka.
Dum kvar tagduonoj kunsidis la komitato de TEJO, post neformala renkonti^go
en la unua tago de la kongreso. Krom la kutimaj formala^joj kiel aprobo de
jarraporto, la komitato en sia unua kunsidotago akceptis la ali^gon de
Litova Esperantista Junulara Ligo (LEJL), tiel altigante la nombron de
landaj sekcioj de TEJO al 40.
Pro la demisio je la unua de a~ugusto de la ^gistiama kasisto, la komitato
nomumis novan kasiston, Anna-Lena Eriksson el Svedio, kio ka~uzis la unikan
situacion ke dum tri tagoj TEJO formale havis du kasistojn... La komitato
fondis financan komisionon, kun la celo subteni la kasiston. La komisiono
ne nur provizos praktikajn kaj teoriajn konsilojn, sed anka~u tre konkrete
helpos ekzemple en la revizorado de la librotenado de la IJK-oj.
Por certigi kunordigadon kaj inter^san^gon pri laborbrigadoj, la komitato
nomumis komisiiton pri tiu fako. Ankora~u estas ser^cataj homoj, kiuj
^satus organizi laborbrigadon en Portugalio, por kiu konkreta propono jam
ekzistas.
Du komitataj laborgrupoj pritraktis la ontan strategion de la organizo. Unu
laborgrupo faris la unuan pa^son en strategia planado por TEJO, dum alia
grupo poste specife ellaboris strategion pri seminarioj.
Grava ^san^go okazis en la maniero la~u kiu estonte prezenti^gu kaj
trejni^gu kandidatojn al la estraro. Por pli efektivigi la laboron precipe
de novaj estraranoj, nove kreita elekta komisiono konstante ser^cos
ta~ugajn kandidatojn, prizorgos trejnkursojn, kaj fine prezentos ta~ugajn
kandidatojn al la komitato. Celo estas evito de spontaneaj elektoj de homoj
malbone preparitaj a~u neta~ugaj. Samtempe oni forte malrekomendas ke
estraranoj de TEJO havu tro temporabajn aliajn postenojn.
Anka~u la elektoproceduro de komitatanoj B ^san^gi^gis, parte la~u la
modelo de UEA. Por kandidati^gi, interesitoj ekde nun devos kolekti
subskribojn a~u rekomendojn de minimume 5 individuaj membroj el du landoj,
konforme al la ideo ke komitatano B reprezentas ^guste la individuajn
membrojn.
^Generale la komitatkunvenoj estis karakterizitaj de viglaj diskutoj kaj
intensa laboro anka~u ekster la kunvenoj.
Sjoerd Bosga
TEJO-Estrarano pri informado
**************************************************************************
OSIEK-PREMIO 1998
=================
^Ci-jare la OSIEK-anoj proponis 24 verkojn premiindajn, ^ciuj prezentitaj
en la junia numero de La Gazeto. La 24-an de julio, dum la Internacia E-
Konferenco deOSIEK en Trieste, Italio, sekreta vo^cdonado atribuis la
premion al
Claude Piron
pro lia libro "La bona lingvo". Gratulon!
La premio, kies nuna valoro estas 400 e~urooj, rekompencas vivantan
a~utoron pro publikita verko ne fikcia a~u pro grava traduklaboro. Krome,
la asembleo decidis atribui honordiplomon al Maria Becker-Meisberger pro
^sia libro Internacie kuiri kiu dum 3 sinsekvaj jaroj alvenis ^gis la fina
balotado.
La Gazeto, FR-55210 Creue,
info@osiek.org, http:--osiek.org
**************************************************************************
Liaoning
========
Dum la 7-a Liaoninga (^Cinio) E-Kongreso - krom la elekto de nova estraro -
la pli ol 50 partoprenantaj delegitoj pridiskutis la okazigon de la 1-a E-
kongreso de Nordorienta Azio en la venonta jaro.
La kongreson ^ceestis anka~u reprezentantoj de la provinca komitato de
Komunista Partio de ^Cinio kaj respondeculo de Radia Administrado de la
provinco. Surloke ekfunkciis speciala radioamatora stacio BY2QVS, kaj du
raportistoj de ^Cina Radio Internacia faris plurajn intervjuojn.
cri@gjdt.cri.cngb.com
**************************************************************************
Pro Esperarto
=============
La perpo^sta adreso de la societo Pro Esperarto estas: Keiturintie 274,
FI-16510 Luhtikylae, Finnlando. Kontaktpersono estas Borje Eriksson, adreso
la sama (vidu Eventoj 2-julio, p. 4.)
La societo ankora~u ne estas registrita, tamen la 22-23-an de a~ugusto
estas aran^gata la unua ESPERARTO-semajnfino - nun ankora~u malgrandskale.
**************************************************************************
Fari^gu gastiganto kaj gajnu premion!
=====================================
En 1999 Pasporta Servo festos sian 25-jaran jubileon: la unua listo aperis
en 1974. Tiun jubileon ni ^satus festi per rekorda eldono: ni volas atingi
la magian nombron de 1000 gastigantoj!
Pro tio ni ^ci-foje - se ni havos 1000 gastigantojn ^ce la limdato -
lotumos TRI LIBRO^CEKOJN de 100 NLG - inter la gastigantoj de Pasporta
Servo!
Fari^gu gastiganto nun, kaj eble vi gajnos premion. Jen la reguloj:
1. Unu premion ni lotumos inter novaj gastigantoj en landoj kiuj en eldono
1998 havis tri gastigantojn a~u malpli;
2. unu inter gastigantoj en eldono 1998 kiuj varbis almena~u unu novan
gastiganton;
3. kaj unu inter ^ciuj gastigantoj de eldono 1999!
Se vi nun fari^gas gastiganto, kaj se ni atingos la rekordan nombron de
1000 gastigantoj, vi partoprenos la lotumadon en kategorio 3. Se vi lo^gas
en unu el la 'malgrandaj landoj' de Pasporta Servo, vi partoprenos en
kategorioj 1 kaj 3 samtempe!
Limdato por sendi vian ali^gilon estas la 1-a de novembro 1998. (TEJO,
Nieuwe Binnenweg 176, NL-3015 BJ Rotterdam, Nederlando)
Derk Ederveen
kompilanto de Pasporta Servo
pasporta.servo@esperanto.nu
**************************************************************************
Bahaismo kaj Esperanto
======================
Bele ilustrita, 60-pa^ga bro^suro:
25 jarojn - Bahaa Esperanto-Ligo,
historio de kontaktoj inter bahaanoj kaj e-tistoj, du eseoj de Lidia
Zamenhof, Bahaismo pri IHL, ampleksa enkonduko en Bahaismon ...
Mendu (la~ueble kontra~u 3 IRK) ^ce:
Bahaa E-Ligo,
P.O.Kesto 500133, DE-60391 Frankfurt, Germanio,
T-F +49-(0)69-95294811,
Rete: **************************************************************************
Kune kreskantaj infanoj
=======================
Ni estas ^cinaj e-istoj, kaj iniciatis projekton internacie praktikeblan
por popularigi la uzadon de E-o inter la infanoj diverslandaj, kun la
titolo "Kune Kreskantaj Sur la Terglobo (KKST)".
Ni jam laboras en kelkaj urboj ^cinaj funkciigante E-kursojn por tieaj
infanoj. Ni volonte ricevas de vi ian helpon subteni la projekton:
1. ^Cu trovi^gas ^ce vi infanoj 9-16-jaraj kiuj lernas kaj uzas E-on? Se
jes, ^cu ilin interesas korespondado kun ^cinaj sama^guloj?
2. ^Cu vi eble povus donaci al la projekto iajn materialojn kiel sonkasedo,
videofilmo, laserdisko, foto, libro, afi^soj kaj similaj, kiuj povas esti
uzataj por instigi ^cinajn infanojn lerni E-on?
3. ^Cu vi interesi^gus esti regiona organizanto de la projekto KKST?
Ni esperas ke ni povus kunlabori en la projekto por ke pli multaj infanoj
sur al tero kresku kune kun Esperanto, precipe por infanoj en ^Cinio, kie
estas kun la plej multa nombro da lo^gantoj. Jen nia koresponda adreso:
s-ro Zhang Jiping, Gong Nong Dalu 16-1, 5678 Chuanhu-tai, CN-130021,
Changchun, ^Cinio".
Niaj retadresoj:
kokosoto@163.net
kaj ccxt@public.cc.jl.cn
**************************************************************************
MUZIKO
------
KD: Unu vo^c'
=============
Rob De Nijs - fama nederlanda kantisto - kantis en la okdekaj jaroj kun la
edzino kanzonon parte Esperantan sub la nomo "Tutmonde unu vo^co". Tiutempe
estis malfacile akiri tiun mini-KD-n. Nun aperis KD-kofro kun 5 diskoj sub
la titolo "35 jaroj nederlandlingvajn furorkanzonojn - 1962-1997" en kiu
aperas anka~u "Unu vo^c' tutmonde" kune kun ekskluzivaj fotoj, kompleta
diskografio, foliumilo Internet Explorer, 28 pa^ga libreto kaj intervjuoj
sur KD (1845 BEF), eldonejo: EMI.
Herman.Deceuninck@vlaanderen.be
**************************************************************************
INSTRUADO
---------
Poznan: 10 studentoj
====================
Fine de a~ugusto dek gestudentoj (el Germanio, Nederlando, Belgio,
Makedonio kaj Polio) komencis interlingvistikajn studojn en la Lingvistika
Instituto de la Universitato Adam Mickiewicz. La unuan sesion malfermis mem
la dekano de la Novfilologia Fakultato.
Pri la starto de la nova fako raportis la lokaj amasmedioj (regiona gazeto
Glos Wielkopolski, la urba kabla televido, 3 lokaj radiostacioj).
La partoprenantoj post sia orientiga testo intense okupi^gas pri la
problemoj de komunikado (I. Koutny), E-a kulturo (d-ro Zbigniew Galor),
fonetiko (prof. Wells) kaj malkovros la unuan periodon de E-a literaturo
kun Lidija Ligeza.
D-rino Ilona Koutny
ikoutny@main.amu.edu.pl
**************************************************************************
Novaj Cseh-instruistoj
======================
Kadre de la ^cijara ILEI-Konferenco okazinta en Montpellier (Francio) 5
kandidatoj el 4 landoj ekzameni^gis por esti Cseh-instruistoj. El ili 3
sukcesis: s-ro Licio de Almeida Castro el Brazilio, S-ino Monique Noel el
Francio kaj S-ino Sabine Trenner el Germanio.
Per tio la nombro de diplomitaj Cseh-instruistoj kreskis al 32. Aktuala
listo estas trovebla en Eventoj 148, a~u estas havebla ^ce Internacia E-o
Instituto (Riouwstraat 172, NL-2585 HW Den Haag, Nederlando).
Atilio Orellana Rojas
iei001@worldonline.nl
**************************************************************************
Universitata E-kurso
====================
En februaro komenci^gis baza E-kurso en la Scienca Fakultato de Ferdosi
Universitato de Mashad. La kurson iniciatis s-ro Moafi, esperantisto kaj
studento pri matematiko de la sama fakultato, kaj li mem estas ties
instruisto. Nun partoprenas pli ol 30 lernantoj en la kurso.
inf: Keyhan Sayadpour
**************************************************************************
LIBROJ
------
Der esperantist
===============
La revueto "der esperantist" estis la organo de la E-Asocio en Germana
Demokratia Respubliko (GDR), kiu aperis kun entute 164 kajeroj inter
1965-1990. La revueto precize reflektis la movadon en GDR kaj enhavis
multajn artikolojn pri la E-movado en la oriente~uropaj landoj.
Anta~unelonge aperis duvoluma registro (A-4 po 120 p.) kiu krom la ampleksa
temindekso havas indeksojn pri E-revuoj, landoj, GDR-FRG- kaj alilandaj
esperantistoj, personoj neesperantistaj, elekta bibliografio de artikoloj
el "der esperantist" kaj de la aparte luksaj GDR-eldonoj de "Paco"
(1966-1989), ktp.
La du kajeroj (verkitaj de Ino Kolbe kaj Linde Knoschke) kostas po 20 DEM
resp. po 25 guldenojn kaj haveblas ^ce UEA a~u ^ce
Detlev Blanke
Otto-Nagel-Str. 110, DE-12683 Berlin
blanke.gil@berlin.snafu.de
**************************************************************************
Anka~u en la persa
==================
Aperis la persa traduko de la libro "Esperanto" de Pierre Janton. La
tradukon faris s-ro Kamali el urbo Mashad, Irano, kiel sian universitatan
disertacion.
La libron eldonis eldonejo Atai en Tehran post kelkjara prokrastigo ^gis
fine la eldonisto kura^gis eldoni ^gin. La traduko multe helpas konigi nian
lingvon kaj kreskigi nian movadon por la perslingvanoj.
Keyhan Sayadpour
sayad@www.dci.co.ir
**************************************************************************
OPINIOJ
-------
Prezenti pozitive!
==================
Tiun ^ci intervenon - valida anka~u por alilandanoj - ni trovis en Franca
Esperantisto nov-97. La verkinto estas dano, lo^ganta en Francio. Mi ege
mal^satis la enkondukajn vortojn: "Esperanto estas lingvo ne~utrala, kiu ne
apartenas al iu lando, kaj tial ne peras ideologion a~u kulturon, riskante
sufoki la aliajn." Kaj la propaganda koverto e^c deklaras, ke "Esperanto
apartenas al neniu".
La~u psikologia vidpunkto oni devas neniam karakterizi sian "produkton" per
negativa^joj, ^car tia sinteno donas la impreson, ke ne valoras atenton la
koncerna afero. Se Esperanto apartenas al neniu lando kaj se ^gi peras
neniun kulturon (jes, mi scias ke sekvas kvalifika frazo en la franca
teksto), eksterulo tuj konkludas, ke la lingvo estas socie kaj kulture
senradika kaj tial, kiel sen radika planto, nevivipova.
Mi tiel preferus ke miaj francaj amikoj estonte kvalifiku nian lingvon en
pozitiva maniero, ekzemple proksimume tiel:
"Esperanto, lingvo sen landlimoj, apartenas al ^ciuj popoloj kaj ^ciuj
nacioj tra la mondo. ^Gi kapablas senpartie peri inter diversaj lingvoj,
kulturoj kaj kutimoj kaj tiel kontribui al la kreo de vere internacia
toleremo kaj transnacia edukado."
Eskil Svane
la~u Norvega Esperantisto 6-97
**************************************************************************
Esperanto sen mono
==================
Se ni konsideras, ke mono estas instrumento de inter^san^go de varoj, kiu
en ideala sociordo ne devus esti trezorigebla, kaj ke E-o mem estas
ideala^jo ankora~u ne sufi^ce uzata en niaj normalaj aktiva^joj, mi opinias
ke neniu devus pensi pri gajno de mono per Esperanto.
Evidente Esperanto, kiel ^ciuj lingvoj rilatas al mono por ties funkcia
celo, sed ne estas moncela. ^Car Esperanto ankora~u, kiel dirite, ne estas
^generale aplikata, ^gi estas en fazo de "investado", t.e. ^gi elspezigas
nin por krei tiujn eblecojn de funkciado. Ni devas informi lernigi kaj
uzigi ^gin, do tio kostas. Ni apartenas al kluboj, asocioj, abonas revuojn,
iras al kongresoj, sekve multe da mono envolvi^gas en tiujn procedojn.
Alia karakterizo de la esperantistoj estas, ke ili apartenas al malri^ca
mikrosocio de idealistoj. La homoj kiuj nur celas gajni multan monon (kies
idealo estas la mono mem) tute ne havas intereson pri Esperanto. Povas
ekzisti esceptoj kiel Internacia Rondo Esperantista Prospero sub gvido de
ambicia Zinovi Kurolap (vidu la lastan kovrilon de UEA-jarlibro 1997).
Anka~u TAKE - La Domo, IKEF k.a. volas prave apliki Esperanton por komercaj
celoj. Temas pli pri praktikado ol celo al pergajno kvankam la
esperantistoj ne devus esti tiom stultaj, ke ili ne kunigas la utila^jojn
al la agrabla^joj.
Pri eldonado, kiun mi persone praktikas je perdita fonduso, ^car mi donacas
la tuton je dispono de la Esperanto-Asocioj, mi ne kredas ke iu sukcesas
havi profiton. ^Cu Kribo kun "La~ute" kaj la bro^suroj eblas a~u povas havi
ioman profiton? Same ^cu Bays el "Fonto" kun tiuj belegaj literatura^joj en
merkato, kiu statistike indikas e^c ne 300 a^cetantojn por ^ciu verko,
povas atingi plusvaloron? Profiton povas doni nur gravaj eldona^joj kiel
PIV a~u bonaj lernolibroj kiel la fenomeno "Gerda malaperis" de Claude
Piron.
Ni scias, ke asocioj kun malpli ol 1000 membroj, kiuj ankora~u pagas tiujn
mizerajn kotizojn kaj kun pli kaj pli da peno pro la "ekonomika hororo" ne
povas pagi dungitan oficiston por la mastrumado de la asocio. Tipa ekzemplo
estas SAT mem, kiu malfacile eltenas la ^sar^gon. Sekve ne estas dubo, ke
la bonvola kaj volontula Esperanto-laboro ne povas esti pagata en la nuna
strukturo de la asocioj. Estas tamen bone atenti, ke bonvolemo kaj
volontemo ne senigas la koncernatojn je kompetento kaj kapablo, kaj mi dum
mia tuta vivo baraktis por ke homo kiu akceptas taskojn kaj postenojn havu
la devon efike, zorge plenumi tiujn taskojn sendepende de pago a~u aliaj
avanta^goj; temas pri la minimuma kohereco kaj honesteco, anka~u ^ce
idealistoj.
La sperto montras, ke kursoj ^cu senpagaj ^cu pagitaj ^guas la saman sorton
flanke de la lernantoj. Nur restas tiuj, kiuj estas trafitaj de la mikrobo,
Esperanto-idealo kun konvinko.
Garolo, Brazilio
el La~ute, n-ro 133
**************************************************************************
KONKURSOJ
---------
Internacia poentokolekta konkurso
=================================
Taskofolio-1 por progresantoj
-----------------------------
La konkurson povas partopreni iu ajn. La regularon vi trovas en la a~ugusta
numero de Eventoj.
1. En kiu lando vivas Maorioj? (2 poentoj)
2. Kiom da Esperantaj poemoj verkis Zamenhof?
(Helpo: Tiom, en kiom da UK li partoprenis.) (3 poentoj)
3. "Ne helpas spegulo al ...". Kompletigu la proverbon! (2 poentoj)
4. Faru el la kli^so "sen...ulo" almena~u ses sencohavajn vortojn
intermetante diversajn radikojn. (3 poentoj)
5. Kiel inviti gastojn al metita tablo? (3 poentoj)
6. En kiu lando aperis la unua E-po^stmarko? (2 poentoj)
7. Kiu rano(!) povas flugi? (2 poentoj)
8. Kampanjo-2000 havas tri ^cefajn celojn. Kiujn? (3 poentoj)
Taskofolio-1 por komencantoj
----------------------------
1. Kio estas la titolo de la finna nacia epopeo? (2 poentoj)
2. La~u signifo kiu vorto estas fremda?
fajlo, rabato, printilo, servilo, vin^cestro, dosiero (2 poentoj)
3. Klarigu la diferencon:
Infano kuras en la parko - ...en la parkon. (2 poentoj)
4. Ordaran^gu la literojn por ricevi sencohavajn Esperantajn vortojn:
tazoge, torkevo, subperkoli (3 poentoj)
5. Prezentu vin al nekonato en Esperanto. (3 poentoj)
6. Kolektu ses fi^sonomojn en E-o. (3 poentoj)
7. Kial ^girafo neniam estas sola (!)? (2 poentoj)
8. Kiu Servo helpas al vi trovi leteramiko(j)n en Esperanto? (3 poentoj)
Limdato por sendi la solvojn en amba~u kategorioj: la 5-a de oktobro 1998.
La solvofoliojn sendu al:
Geza Kurucz,
Hitel u. 10. fszt. 16, HU-6000 Kecskemet, Hungario
Rete: suli267@szeged.sulinet.hu
**************************************************************************
Rezultoj - 1998
===============
Jen la rezultoj de Belartaj Konkursoj de UEA, anoncitaj dum la UK en
Montpellier:
POEZIO
------
1-a premio: Anja Karkiainen (Finnlando) pro "Sor^ca hor' de kreiveco";
2-a premio: ne alju^gita; 3-a premio: Jorge Camacho Cordon (Belgio) pro
"Anastasio";
Honora mencio: Jorge Camacho Cordon pro "Kavernaj pensoj.
PROZO
-----
1-a premio: Stefan MacGill (Hungario) pro "Anta~u la Di-servanto";
2-a premio: Jorge Camacho Cordon pro "Atesto" kaj Sten Johansson (Svedio)
pro "Meti limon";
3-a premio: Jorge Camacho Cordon pro "Familio Pork".
Honora mencio: Lena Karpunina (Germanio) pro "Mi^ska Voropajev" kaj "Bela".
Partoprenis 34 verkoj de 19 a~utoroj el 15 landoj.
TEATRA^JO
---------
1-a premio: Stefan MacGill (Hungario) pro "La Martelo";
2-a premio: Paul Gubbins (Britio) pro "Atendejo Esperantujo";
3-a premio: Paul Gubbins pro "Rubrike".
Partoprenis 6 verkoj de 4 a~utoroj el 4 landoj.
ESEO
----
Premio "Luigi Minnaja": Gerrit Berveling (Nederlando) pro "Inter religia
toleremo kaj socia akcepti^go: pri la islama minoritato en Nederlando";
2-a premio: ne alju^gita;
3-a premio: Zlatko Ti^sljar (Slovenio) pro "E~uropa ideologio".
Partoprenis 6 verkoj de 5 a~utoroj el 5 landoj.
KANTO
-----
Premio "Ahn Song-san pri kanto": Alejandro Cossavella (Argentinio) pro "^Ce
Montpellier";
2-a premio: Martin D. Cziesla (Germanio) pro "Prediko pri bona sinteno";
3-a premio: Aldo kaj Fiorello Fiorentin (Italio) pro "Igu Sinjoro!" kaj
"Suferinte, oni esperas". Honora mencio: Flavio Fonseca (Brazilio) pro
"Rozkolora" kaj Flavio Fonseca kaj Valeria Fajardo (Brazilio) pro "La
esteco".
Partoprenis 11 kantoj de 6 a~utoroj a~u a~utoraj duopoj el 6 landoj.
INFANLIBRO
----------
Premio "Infanlibro de la jaro 1997": Germana Esperanto-Asocio kaj Inter-
Kulturo pro "La sen^cesa rakonto" de Michael Ende, tradukita de Wolfram
Diestel, ilustrita de Ulrike Diestel.
Partoprenis 7 libroj.
**************************************************************************
INTERESE
--------
KGB, Esperanto, atom-spionado...
================================
Semajna gazeto de rusiaj verkistoj "Literaturnaja Rossija" en la numeroj
34-39 1997 en la rubriko Absolute sekrete publikigis rememorojn de Vladimir
Hristoforov "La nigra truo inter KGB (1) kaj GRU (2)". Tiujn rememorojn oni
povus taksi kiel plumprovon de iu "bervala senta~ugulo", pli ^guste
"semipalatjinska James Bond" kaj preterlasi - se en tiu teksto inter
diversaj amindum-spionaj aventuroj ne estus ofte menciita anka~u Esperanto.
En la unua pa^go iu generalo Ivolgin el Strategia Informservo de Sovetia
Armeo rakontas:
"Tiutempe ni kontrolis ^ciujn esperantistojn, ili donis al ni neimageblajn
zorgojn. La~u nia opinio, tiu movado estis preska~u legala kanalo de
informfluo. Venis e^c anka~u la "degelo" ... kaj tiu unua Internacia
Festivalo de Junularo kaj Studentoj en Moskvo (3), al kiu anka~u li (t.e.
V. Hristoforov) havis ian rilaton. Kiam en la Esperanta revuo "Nuntempa
Bulgario" aperis lia adreso kun korespondpropono (4), ^gi ekinteresigis
multajn spioncentrojn en la mondo, ^ciuj deziregis informi^gi, kion oni
faras en Semipalatjinska nuklea pafkampo. Mi komencis la esploradon,
transloki^gis portempe kun familio al Semipalatjinsk. Apartan atenton
elvokis esperantisto el Romo tiu Daniel... Ekstera informcentro donis pri
li interesajn donita^jojn. Pri la celo de mia oficvoja^go sciis nur unu el
la gvidantoj de KGB..."
Sekvas aventurplena rakonto de V. Hristoforov mem pri la bolanta agado en
Semipalatjinsk, Sofio, Milano, Romo, Moskvo, Jalta. Partopreno de
esperantologia konferenco en redakcio de "Nuntempa Bulgario" organizita de
KGB kun prelego: "Problemo de metaforoj ^ce Pu^skin enkadre de Esperanto",
flirto kun turka esperantistino sendita de Daniel Perardo el Romo por
kontakti^gi kun Hristoforov kaj transdoni al li sekretajn ^cifrojn uzante
la Esperantan alfabeton. Ni ekscias, ke patro de Hristoforov estis
esperantisto, kaj en la 20-aj jaroj korespondis kun a~ustra samideanino, ke
en la samaj jaroj en Sovetio estis "disfloro de demokratio kaj de
^cionpermeseco", oni eldonadis verkojn de Freud kaj de diversaj reakciaj
filozofoj, plenfloradis kaj ^cie enstabili^gis artefarita internacia lingvo
Esperanto inventita de doktoro Zamenhof, ^ciuj sin ^jetis al korespondado
kun eksterlando, en popolkulturdomoj kune kun rondetoj de fasontondado kaj
de kudrado oni parkere studis Esperanton, oni kunvokis kongresojn, eldonis
vortarojn kaj konversacilibrojn. Poste tiun bakhanalion de demokratio oni
klakfermis kaj esperantistoj per harmoniaj vicoj mar^sis en la
koncentrejojn.
Tiu cita^jo el rememoroj de Hristoforov eble la unuan fojon malka^se
montras la pritakson de esperantista movado flanke de la ^cionpova politika
polico, kia estis KGB kaj ^gia filio GRU: "kanalo de informfluo...
bakhanalio de demokratio..." Pri la trista sorto de sovetiaj E-aktivuloj en
la 30-aj jaroj ni bone scias el la libro de Ulrich Lins "La dan^gera
lingvo" (nun estas preparata la ruslingva eldono). Esperantistoj en
Sovetio, kiuj partoprenis la movadon en la 50-60-aj jaroj certe ne dubis ke
ilia agado estas kontrolata de t.n. "kompetentaj organoj".Tamen el al
rememoroj de tiu Hristoforov sekvas, ke oni pretigis grandan provokon,
ligante esperantistojn kun sekretaj atombomb-esploroj en Semipalatinsk.
Feli^ce tion oni ne sukcesis. La rememoroj de Hristoforov aldonas al la
historio de Esperanto en Sovetio, tiu oficiale porpaca movado, kelkajn
novajn nuancojn.
Le V
1. KGB - Komitet Gosudarstvennoj Bezopasnosti (Komitato pri ^Stata
Sekureco)
2. GRU - Glavnoje Razvedivatelnoje Upravlenie (^Cefa Esplorinforma Oficejo
en la sovetia armeo)
3. 6-a Tutmonda Festivalo de junularo kaj studentoj en Moskvo, julio-
a~ugusto 1957. Enkadre de tiu festivalo okazis esperantista konferenco
dum 2 tagoj.
4. Nuntempa Bulgario, 1960, n-ro 5, p. 47: Voldemaro Hristoforv (19 jara)
str. Kalinina, Semipalatinsk - kun ^c.l., PM, gaz, fotoj.
**************************************************************************
KORESPONDI DEZIRAS
------------------
Junpensiulo (57 jara) deziras korespondi kun samideanoj. M. JOVE Marcel,
222. Chemin de Pascal, FR-83140 Six Fours les Plages (VAR), Francio.
38 jarojn mi havas kaj ^satus korespondi pri kristanaj temoj. Thomas
Heberlein, Kuckuck 3, De-31789 Hameln, Germanio.
Pensiulino korespondus pri ^ciuj temoj. Zofija Baboniene, Lauko 11-4,
LT-4430 Jurbarkas, Litovio.
20-jara komencanto-fra~ulino deziras korespondi pri libroj, voja^goj,
bestoj ktp. Aneta Chytek, ul. Targowa 7 m 6, PL-08-110 Siedlce, Polio.
Deziras korespondi tutmonde kaj inter^san^gi bildkartojn, monerojn kaj
telefonkartojn Jose Sergio Carvalho da Silva. Av. N-ro S-a Aparecida, 356;
Werneck; P. do Sul-RJ. BR-25850-000, Brazilio.
Kun junulinoj korespondus pri aerobiko kaj pri ^cio kio estas bela: ^Cepas
Eduardas, Kauno 23-38, LT-4430 Jurbarkas, Litovio.
S-rino deziras inter^san^gi bildkartojn. Maria Cristina M. Macedo. R.
Antonor Barbosa Rego, 214, Ilha Joaquim Duarte; Barra do Pirai-RJ.
BR-27110-250. Brazilio.
Kun esperantistaj familioj korespondus Stasys kaj Laimute Raulynai^ciai,
Kudirkos 8A-21, LT-4430 Jurbarkas, Litovio.
18 jara studentino korespondus kun vi pri muziko, turismo, historio kaj
sporto. Jurga Rainyte, Kur^siu 60-50, LT-3040 Kaunas, Litovio.
Tutmonde deziras korespondi pri ^ciu temo kun junulinoj 21-jara Julio Cesar
Rodrigues Martins (R. Moreira Cesar, 339; Paraiba do Sul-RJ. BR-25850-000,
Brazilio) kaj 19-jara Elder Oliveira Judice Carvalho (R. Capitao Garrido,
5; Paraiba do Sul-RJ. BR-25850-000, Brazilio).
**************************************************************************
ANONCETOJ
---------
Nekomercaj anoncetoj estas senpagaj
===================================
Bonvolu noti, ke la nova e-po^sta adreso por Libroservo de AEA kaj Tom kaj
Mavis Elliott estos "tmelt@nextcentury.com.au" post 29-a de septembro 1998.
Balda~u la hejmpa^go de Libroservo de AEA estos ^ce
http:--www.nextcentury.com.au-~tmelt-
Mi translo^gi^gis. Mia nova adreso: Harsanyi Katalin, 2049 Diosd, Gardonyi
G. u. 1, Hungario. La nova retadreso: harsak@freemail.c3.hu
Nova hejma telefonnumero de Sandor Hideg: 291-1080
La telefonnumeroj de Irana Esperanto-Centro estas ^san^gitaj al: -8403550
kaj -8410529
Reza Kheir-khah ne plu laboras ^ce la japana Yumeiho-kliniko, kaj estas
atingebla per nova retadreso: rezamenhof@yahoo.com
**************************************************************************
**************************************************************************
EVENTOJ, n-ro 155, 1-septembro-98
Dusemajna gazeto pri la Esperanto-movado.
Reg.nr: B-TSZL-85-1991. ISSN 01215-959 X
Eldonas LINGVO-Studio kaj Kultura Esperanto-Asocio.
H-1675 Budapest, pf. 87.
Tel.-fakso: +36-1-2828885. Internet: eventoj@hungary.net
Aperas dusemajne
Presejo: SZELKER Bt. H-1149 Bp, Fogarasi u. 17-A
Respondeca eldonanto kaj ^cefredaktoro: Laszlo Szilvasi.
Oficeja kunlaboranto: Istvan Meszaros
La redakcio ne nepre konsentas pri la enhavo de unuopaj artikoloj,
kaj ne respondecas pri la anonc-enhavoj.
Abonkotizo: 74 nlg (aere 86 nlg) al la UEA-kodo ells-s.
**************************************************************************
**************************************************************************
