MIME-Version: 1.0
Content-Type: text/plain;
charset="iso-8859-1"
Content-Transfer-Encoding: 8bit
X-Priority: 3 (Normal)
X-MSMail-Priority: Normal
X-Mailer: Microsoft Outlook IMO, Build 9.0.2416 (9.0.2910.0)
X-MimeOLE: Produced By Microsoft MimeOLE V5.00.2919.6600
Importance: Normal
-----Messaggio originale-----
Da: RET-INFO [mailto:eventoj@hungary.net]
Inviato: martedø 13 giugno 2000 0.28
A: ret-info
Oggetto: ret-info: Jarmila Forumo en Novjorko, Ago-Tago-2000 (UEA-81)
=========================================================================
GAZETARAJ KOMUNIKOJ DE UEA N-ro 81 (2000-06-05)
=========================================================================
UEA en la Jarmila Forumo:
POR LEVI PRILINGVAN KONSCION
De la 22-a ghis la 26-a de majo, chirkau 1300 homoj el 700 ne-registaraj
organizajhoj (NRO-oj) partoprenis en la Jarmila Forumo che la sidejo de
Unuighintaj Nacioj en Novjorko. Universala Esperanto-Asocio estis
reprezentita de prof. Lee Chong-Yeong kaj d-ro Mark Fettes kaj de la
konstanta UN-reprezentanto de UEA, Rochelle Grossman.
La Forumo estis iniciato de la NRO-oj mem, responde al la planoj de UN
okazigi grandan pintkunsidon de shtatestroj ("Jarmila Pintkunsido") en
septembro 2000. La organizantoj esperis tiamaniere iom influi la
interregistarajn diskutojn pri la estonteco de UN.
Kontraste al la oficialaj konferencoj, la Jarmila Forumo disponis pri tre
malmultaj rimedoj - malpli ol duonmilionon da dolaroj - kaj neeviteble
suferis reprezente kaj organize. Forestis multaj konataj NRO-oj, kaj
grandaj partoj de la mondo cheestis nur per manpleno da homoj. Ankau la
diskutoj spegulis mankon de bona preparo, tiel ke nur tre malfacile
ellaborighis en la lastaj horoj komuna konkludaro de la delegitoj.
Malgrau tiuj malfortoj, la UEA-grupo celtrafe laboris por levi la
konscion pri lingvaj rajtoj kaj lingvaj problemoj. Disdonighis multaj
centoj da informiloj, i.a. kajero kun la Manifesto de Prago en la ses
oficialaj lingvoj de UN, kaj plurfoje en la pleno la delegitoj de UEA
prenis la mikrofonon por atentigi pri lingva dimensio de la diskutoj.
Fine, en la rekomendojn de du tem-grupoj, pri Homaj Rajtoj kaj Tutmondigho,
ili sukcesis enmeti frazojn pri lingvaj rajtoj, la konservado de lingva
diverseco, kaj la bezono de egaleca interkultura komunikado.
En la lasta tago UEA aranghis apartan kunsidon pri "Lingvo kaj Homaj
Rajtoj", nome de la Koalicio de NRO-j por Internacia Helplingvo. Kvankam
cheestis nur reprezentantoj de Transnacia Radikala Partio, Mondfederista
Movado kaj Shintoismo, la kunsido montrighis tre utila por disvolvi
komunan strategion en la rondoj de UN. Tre klare sentighas bezono de
NRO-grupo, kiu konstante konsciigu pri la rolo de lingva diverseco en
socia evoluo kaj monda demokratio, kaj kiu varbu aliancanojn inter la
shtatoj same kiel che la diversaj branchoj de UN. Nur surbaze de tiu pli
vasta konscio, la kontribuo de Esperanto povos ricevi pli vastan agnoskon
kaj subtenon. En la venontaj monatoj konkretighos agadplano surbaze de
tiu ideo.
* * * * * *
AGO-TAGO LA 7-AN DE OKTOBRO
Pro multaj demandoj, UEA rememorigas ke lau la siatempa decido de la
Estraro de UEA, la Esperanta Ago-Tago chiujare estas la unua sabato de
oktobro. Sekve la Ago-Tago 2000 estos la 7-a de oktobro.
---
fonto: ret-info
